“Миний аав сайхан” тоглолт болно

Энэ сарын 17-ны 19 цагаас Монгол бөхийн өргөөнд “Миний аав сайхан” нэртэй хүндэтгэлийн тоглолт болох гэж байна. Уг тоглолтыг “Арвин судар” хэвлэлийн компаниас эрхлэн гаргадаг “Монголын сайхан аавууд 2012” номын нээлтэнд зориулан зохион байгуулж байгаа юм. Уг ном нь жил бүр хэвлэгдэн гардаг бөгөөд олон сайхан аавуудын хөрөг, намтарыг үр хүүхдүүдийнх нь хүсэлтийн дагуу хэвлэн нийтэлдэгээрээ олны талархлыг хүлээсэн бүтээл болдог билээ. Энэхүү тоглолтонд МУГЖ Г.Батбаяр, МУСГЗ Ш.Гүрбазар, МУГЖ С.Ганзориг, МУГЖ Д.Энхзул, Хилийн цэргийн дуу бүжгийн чуулга, Алтан ураг хамтлаг, Э.Төрмандах, П.Идэржавхлан нараас гадна олон сайхан дуугаараа ард түмний танил болсон уран бүтээлчид оролцох юм.