СТА Л.Банзрагч “Ижий таньдаа” дуулна

Төрмөл хоолойтой цөөхөн дуучдын нэг СТА Лодойн Банзрагч 2012 оны шинэ уран бүтээлийн тайлангаа 3 сарын 5-6-нд Монгол Бөхийн өргөөнд “Ижий таньдаа” нэртэйгээр тавих гэж байна.

Тэрээр энэхүү тоглолтоороо эх хүний тухай, ээжийн нандин сургаалийн тухай олон сайхан уран бүтээлийг эгшиглүүлэх гэнэ.

Энэ тоглолтын талаар АУЗ Б.Лхагвасүрэн:

-Энэ тоглолт та бүхний сэтгэлийн хирийг угаах сайхан тоглолт болно гэдгийг би омог бардам хэлж байна. Монгол дуунд сайхан дуучин орж ирсэн гэдэгтэй надтай маргах хүн гарахгүй байх. Чадаж байгаа хүнийг магтаалаас хол байлгана гэдэг шоовдорлосон лугаа адил. Хүн магтаалтайгаа тэнцсэн үнэн байх ёстой. Тэр тэнцсэн үнэн бол Банзрагч мөн хэмээн хэлж байна.