Өнөөдөр бар өдөр

Аргын тооллын гуравдугаар сарын 6. Ангараг гариг. Билгийн тооллын 13. Найман цагаан мэнгэтэй улаан бар өдөр. Өдрийн наран 07.28 цагт мандан 18.33 цагт жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай ханд. Эл өдөр сан тавиулах, хишиг дуудуулах, цэрэг, цагдаагийн үйлд сайн. Сэтгэлд сэвтэй газар очих, хүүхэд хөлд оруулахад муу.

Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал жаргал ирнэ.