Ерөнхий сайд казах түмэнд баярын мэнд хүргэлээ
Монгол Улсын Ерөнхий сайд С.Батболд наурызын баярыг тохиолдуулан Улаанбаатар хот дахь Баян- Өлгий аймгийн нутгийн зөвлөлийн дарга А.Бакей тэргүүтэй иргэдийг өчигдөр Төрийн ордонд хүлээн авч уулзав.
Өдөр, шөнө тэнцдэг гуравдугаар сарын 22-ны өдөр наурызын баяраа тэмдэглэх гэж байгаа казах түмэнд Ерөнхий сайд нутгийн зөвлөлийн гишүүдээр нь дамжуулан Засгийн газрын нэрийн өмнөөс болон хувиасаа баяр хүргэж, сайн сайхан бүхнийг хүсэн ерөөлөө.
“Манай улсын эдийн засгийн өсөлт 17,3 хувьтай гарсан. Энэ өсөлт цаашид ч хадгалагдаж, тогтвортой байх төлөв ажиглагдаж байна. Үүний үр шимийг нийт иргэд, бүс нутаг, алслагдсан нутагт ажиллаж, амьдарч байгаа иргэддээ хүртээхийг Засгийн газар зорьж байгаа. Энэ чиглэлээр цаашид улам эрчимтэй ажиллана” гэж гүйцэтгэх засаглалын тэргүүн хэлэв.
Наурызын баярыг тохиолдуулан Монгол Улсын Ерөнхийлөгч, УИХ-ын дарга, Ерөнхий сайд нар казах түмний төлөөллийг төрийн хэмжээнд хүлээн авч хүндэтгэл үзүүлж байгаад нутгийн зөвлөлийн дарга А.Бакей талархал илэрхийллээ. Төр, засаг алслагдсан бүс нутаг, ялангуяа Баян-Өлгий аймгийг дэмжин хөрөнгө оруулалтыг эрс нэмэгдүүлж байгаагийн дүнд иргэдийн ахуй амьдрал өөдлөн дэвжиж байгааг тэрбээр хэлэв.
Бүрэн бус тоогоор Улаанбаатар хотод 10 гаруй мянган казах иргэн ажиллаж, амьдардаг юм байна. Иймээс цаашид казах, урианхай, тува иргэдийн соёл, оюуны хэрэгцээг хангах зорилгоор нийслэлд Соёлын төв байгуулахад дэмжлэг, туслалцаа үзүүлэхийг нутгийн зөвлөлийнхөн Ерөнхий сайдаас хүслээ гэж Засгийн газрын Хэвлэл, мэдээллийн албанаас мэдээллээ.
Өдөр, шөнө тэнцдэг гуравдугаар сарын 22-ны өдөр наурызын баяраа тэмдэглэх гэж байгаа казах түмэнд Ерөнхий сайд нутгийн зөвлөлийн гишүүдээр нь дамжуулан Засгийн газрын нэрийн өмнөөс болон хувиасаа баяр хүргэж, сайн сайхан бүхнийг хүсэн ерөөлөө.
“Манай улсын эдийн засгийн өсөлт 17,3 хувьтай гарсан. Энэ өсөлт цаашид ч хадгалагдаж, тогтвортой байх төлөв ажиглагдаж байна. Үүний үр шимийг нийт иргэд, бүс нутаг, алслагдсан нутагт ажиллаж, амьдарч байгаа иргэддээ хүртээхийг Засгийн газар зорьж байгаа. Энэ чиглэлээр цаашид улам эрчимтэй ажиллана” гэж гүйцэтгэх засаглалын тэргүүн хэлэв.
Наурызын баярыг тохиолдуулан Монгол Улсын Ерөнхийлөгч, УИХ-ын дарга, Ерөнхий сайд нар казах түмний төлөөллийг төрийн хэмжээнд хүлээн авч хүндэтгэл үзүүлж байгаад нутгийн зөвлөлийн дарга А.Бакей талархал илэрхийллээ. Төр, засаг алслагдсан бүс нутаг, ялангуяа Баян-Өлгий аймгийг дэмжин хөрөнгө оруулалтыг эрс нэмэгдүүлж байгаагийн дүнд иргэдийн ахуй амьдрал өөдлөн дэвжиж байгааг тэрбээр хэлэв.
Бүрэн бус тоогоор Улаанбаатар хотод 10 гаруй мянган казах иргэн ажиллаж, амьдардаг юм байна. Иймээс цаашид казах, урианхай, тува иргэдийн соёл, оюуны хэрэгцээг хангах зорилгоор нийслэлд Соёлын төв байгуулахад дэмжлэг, туслалцаа үзүүлэхийг нутгийн зөвлөлийнхөн Ерөнхий сайдаас хүслээ гэж Засгийн газрын Хэвлэл, мэдээллийн албанаас мэдээллээ.
Холбоотой мэдээ
Copyright © 2010 - 2026 Zindaa.mn Developed by mCast LLC
Сэтгэгдэл ( 0 )