“Цагдаа нарын чинь цалинг өгчихвөл миний хөлийг үнсэнэ” гэж томордог хужаа хэн бэ?

Үнэхээр том нэг хужаа Сэлэнгэд байна. Сэлэнгэ ч гэж дээ, Зүүнхараа буюу Мандал суманд монголчуудыг доромжлон явдаг ажээ.

Хар жийп хөлөглөсөн, хараалын хэдэн үгээс өөр монгол хэлгүй тэр даварсан нөхөр тэнд шүдэнзний бяцхан цех ажиллуулсаар томорч ямаагаар баяжсан нөхөр бололтой.

Монголоор бол “Мянгат малчин” болохоор мянган ямаатай юм байх. Түүнд Монголын ямар ч хууль үйлчилдэггүй бөгөөд тэгэхээс тэг гэсэн юм шиг аль л болох, болохгүйг үйлдэн явдаг гэх.

Шударга иргэд шаардлага тавихаар “Цагдаа нарын чинь цалинг өгчихвөл миний хөлийг үнсэнэ” хэмээн томордог юм байна. Зүүнхараагийн Зүүн-Энгэрт нутагладаг цагаачийн хандыг дарах аавын хүү тэр нутагт байдаггүй л юм байх даа.
Г.Насан (www.wikimon.mn)