Сая төгрөгийн хувьцааг хэлэлцэх асуудал хойшлогдлоо

Засгийн газрын ээлжит хуралдаанаар иргэдэд олгох “Эрдэнэс тавантолгой” компанийн хувьцаатай холбоотойгоор бас нэгэн шийдвэрийг гаргах байсан. Гэвч асуудлаа хэлэлцэж чадаагүй аж. Уг нь өнгөрсөн долоо хоногийн Засгийн газрын хуралдаанаас гаргасан шийдвэрийн хүрээнд зарим нэмэлт шийдвэрийг гаргаж сая төгрөгийн хувьцаагаа мөнгөжүүлэх хүсэлтэй иргэд хэзээнээс эхэлж хаана хүсэлтээ гаргаж бүртгүүлэх вэ гэдгийг хэлэлцэх ёстой байсан. Харин асуудал оруулах Сангийн сайд нь Олон улсын валюын сангийн хуралдаанд оролцохоор гадаад улсад ажиллаж байгаа тул эл асуудлыг хойшлуулжээ.
 
А.Чимгээ