Шар усны үерт нэг хүний амь эрсдлээ
Шарын гол сумын Санжинт багийн нутаг дэвсгэр "Буянт" голын ойролцоо гар аргаар хувиараа алт олборлож байсан 27 настай, эрэгтэй А гэгч шар усны үерт автан амь насаа алджээ.
3 дугаар сарын 31 -ны өдөр оройны 20 цаг 25 минутанд ОБГазарт Шарын гол сумын Санжинт багын нутаг дэвсгэр "Буянт" голын ойролцоо алтны цооногт 3 хүн осолдлоо гэсэн дуудлага иржээ.
Ослын дагуу Аймгийн онцгой байдлын газрын албан хаагчид, "Шарын гол"-ын Аврах гал унтраах 55-р анги 1 автомашин 6 хүний бүрэлдэхүүнтэй ажиллаж 2 иргэнийг нь эсэн мэнд гарган авсан байна. Харин хамгийн доор байсан 27 настай иргэн А нь цооногтоо нас барсан байна.
Нийт нутгаар дулаарч цас мөс хайлж байгаатай холбогдуулан шар усны үерээс урьдчилан сэргийлэхийг Нийслэлийн Онцгой байдлын газраас анхааруулж байна.
Холбоотой мэдээ
Сэтгэгдэл ( 0 )