Хошин урлагийн нэрт мастеруудын нэг жүжигчин Амбий буюу Ц.Батхуяг таалал төгссөн гэх мэдээлэл facebook болон twitter сайтаар өчигдрөөс эхлэн цацагдсан байна. Гэвч энэхүү мэдээлэл нь цуурхал байжээ. Ард түмнийхээ хайр хүндэтгэлийг хүлээсэн жүжигчин Амбий маань Төрийн шагналт зохиолч Д.Мягмарын “Найрын ширээний ууц” жүжгийг мюзикл хэлбэрээр тайзнаа толилуулахаар ерөнхий продюссороор нь ажиллаж байгаа аж. Бид жүжигчинтэй өөрийнх нь гар утсаар сая холбогдож тодруулга авахад "Юу яриад байгаа юм бэ. Харин утсаа залгасан чинь бөөн асуудал болоод хүн болгон залгаад байна. Би шинэ жүжиг тавих гээд завгүй байна. Ямар учиртай мэдээ хаанаас гараад байгаа юм" гэж хариуллаа. Барууны томоохон одуудыг нас барсан тухай мэдээллийг олон нийтийн нээлттэй сайтуудаар үе үе тараадаг таагүй моод дэлгэрээд байгаа. Монгол түмний хайртай жүжигчнийг маань бурхны оронд одчихлоо гэх цуурхалыг тараасан этгээд ч мөн энэ сувгийг ашигласан байна. Ингэж facebook, twitter цахим хуудас ашиглан хүнийг гүтгэсэн, худал цуурхал дэгдээсэн этгээдтэй хэрхэн хариуцлага тооцох талаар бид эргэн мэдээлэх болно.
А.Ялгуун
Сэтгэгдэл ( 9 )
ene xa baisiin 2013 onii medee bna
2010-2012 gj bn shde -_-
он сарыг нь хараач
tiim bl gui dee
Үнэн юмуу хүмүүс үхсэн гд бнашдэ тнай сайт худлаа мэдээлэл оруулаад бгам бишүү
урт наслах нь дээ