Монголын донорын холбоо УИХ-д сонголтыг үлдээлээ

 Монголын донорын холбооныхон УИХ-аар удахгүй хэлэлцэх гэж буй Донорын тухай хуульд нэмэлт өөрчлөлт оруулахыг эсэргүүцэж байгаагаа мэдэгдлээ. Тэд "Бидэнтэй хамтарвал донорт аврал ирнэ, ЭМЯ- тай хамтарвал мөхөл ирнэ. Энэ хоёр замын алийг сонгох нь УИХ- д үлдлээ", "Монголд донор гэх авралын ачтан хэрэггүй бол эрхтэн шилжүүлэн суулгах төвийг барих хэрэггүй. Цусгүй учраас энэ салбар хөгжихгүй", "ЭМЯ-ны цусны бодлого хариуцсан албанд хариуцлага тооцоход ч багадана", "Төрийн хуулиар хэн дуртай нь оролдох нь туйлын бүдүүлэг алдаа", "Цус үгүй бол Монголын үндэсний аюулгүй байдал алдагдана" гэх үгсийг төр засагт хүргэхийг хүсчээ.Мөн донорын холбооны зүгээс хуулийн төслийн шинэчилсэн найруулгын хэд хэдэн зүйлтэй санал нийлэхгүй байгаа аж. Тухайлбал ЭМЯ-ны ажлын хэсгээс УИХ-д өргөн барьсан Донорын тухай хуулийн шинэчилсэн найруулгын төсөлд одоо мөрдөгдөж байгаа хуулийн 15.1, 15.2 зүйл заалтыг хассан нь маш буруу үйлдэл гэнэ. Тэрхүү зүйл заалтад донорын халамж үйлчилгээ, хөнгөлөлт,эрүүл мэндийн асуудал шагнал урамшуулал, алдагдсан эрч хүчийг нөхөн сэргээх олон цогц зүйл багтаж байсан аж. Харин эдгээр зүйл заалтуудыг хассан нь “Монголыг доноргүй болгоно гэсэн үг. Бид эх орон маань илүү аюултай, найдвартай, донор цустай орон байгаасай гэсэн үүднээс эсэргүүцэж байна” гэж байсан юм.

 Т.Ялгуун