Үс сайхан бол зүс сайхан

    Монголчууд бид “Үс сайхан бол зүс сайхан” гэж ярьцгаадаг. Нээрээ л үнэтэй ганган  хувцас өмссөн хэрнээ үс нь өнгөө алдаж хуурайшсан бол хэзээ ч сайхан харагдахгүй. Ялангуяа хаврын хуурайшилттай үед болон зуны халуунд үсээ тогтмол арчилж байх нь чухал юм. Учир нь эдгээр улиралд үс өнгөө алдан хуурайшиж, унах нь ихэсдэг байна. Намирсан сайхан үстэй байхын тулд үсэндээ тэжээлийн тос хэрэглэх, хамгийн гол нь үсэндээ тохирсон шампунийг зөв сонгох хэрэгтэй. Манай бүсгүйчүүд гадаадын янз бүрийн сурталчилгаа сайтай шампуньд их хууртагддаг. Гэвч энэ нь хамгийн өндөр фтор, эрдэс, элдэв бодис ихтэй байдаг бөгөөд үсэнд тань сөрөг нөлөө үзүүлдэг байна. Тиймээс шампунь сонгохдоо орц найрлагыг нь сайтар ажиглаж, байгалийн гаралтайг нь сонгож байгаарай. Дашрамд дуулгахад үс амьтай байдаг гэнэ. Хэрэв та санаандгүй байдлаар үснийхээ тухай муугаар яривал үсний хувьд энэ нь хэзээ ч тэвчишгүй зүйл болдог байна. Ийм учраас үсээ өнгө зүстэй сайхан байлгая гэвэл та өдөр бүр үсээ магтаарай.

Д.Шинээ