Өнөөдөр ЭЕШ-ын зөв хариу гарна

ЭЕШ зургадугаар сарын 8-10-ны өдрүүдэд орон даяар явагдсан билээ. Өнөөдөр шалгалтын зөв хувилбарыг Боловсролын үнэлгээний төв www.eec.mn сайтдаа байрлуулна.

Уг шалгалтын дүнг долдугаар сарын 1-ний өдрийн 09.00 цагт дээрх веб сайтад байрлуулж, нийтэд мэдээлнэ. Ингэхдээ өөрийн бүртгэлийн дугаар болон нууц кодоо ашиглан шалгалтын дүн, оноогоо харж болох юм. Төгсөгчдийн батламжийг долдугаар сарын 1-3-ны өдрүүдэд тараах юм. Улаанбаатар хотын төгсөгчид ЭЕШ-ын дүнгийн батламжаа сурч буй сургуулийн захиргаанаас томилогдсон багш, ажилтнаас авах бол өмнөх оны төгсөгчид Боловсролын үнэлгээний төвийн зарласан газраас хүлээн авна.

Харин хөдөө орон нутгийн нийт төгсөгчид аймгийн Боловсрол, соёлын газрын ЭЕШ-ын зөвлөгөө мэдээллийн ажилтнаас авах юм. ЭЕШ-ын батламж нь хоёр жилийн хугацаанд хүчин төгөлдөр байх бөгөөд үрэгдүүлсэн тохиолдолд дахин олгохгүй.

Х.Даваа