Олон улсын зургийн үзэсгэлэнд эмэгтэй зураачид оролцоно

Монголын эмэгтэй зураачид Вьетнам улсад болох олон улсын эмэгтэй зураачдын үзэсгэлэнд оролцох гэж байна. Уг үзэсгэ­лэнд Ц.Энхтуяа, Д.Соёлмаа, В.Унд­раа Б.Хонгорзул, Б.Шатарсайхан, Б.Насанцэнгэл, Г.Оюун, Т.Нур­маажав, Д.Булгантуяа, Э.Билэгт зэрэг зураачид орол­цох бөгөөд эдгээр уран бүтээлчид маргааш Вьетнам руу явна.

Энэхүү арга хэмжээг дэлхийн эмэгтэй зураачдын холбооноос хоёр жил тутамд нэг удаа зохион байгуулдаг аж. Үүний өмнө 2010 онд Америкийн Ориган мужийн Портландад зо­хиогд­сон үзэсгэлэнд Б.Хонгор­зул, Б.Шатар­сайхан, Б.Насан­цэн­гэл нар эх орноо төлөөлөн оролцжээ. Орон орны уран бүтээлчид "Дэлхийн шинэ урлаг дахь эмэгтэй зураачдын хувь нэмэр" сэдвийн дор  явагдах үзэсгэлэнд энэ сэдвээр илтгэл тавих юм. Үзэсгэлэнд хүн бүр нэг л бүтээлээр оролцоно. Бүтээлд нь бусдыг арьс өнгөөр ялгаварлан гадуурх­сан өнгө аяс, аливаа улсын соёл зан заншил болон үндэстэн ястан руу давшил­сан санаа байхыг хориглодог аж.

Энэхүү үзэсгэлэн нь дэлхий дахины эмэгтэй уран бүтээлчдийг танилцуулах, уран бүтээлийн та­лаар санал солилцохыг нь дэмжих зорилготой аж. Эмэгтэй уран бүтээлчдийн холбоонд 20 гаруй орны уран бүтээлчид нэгджээ. 

Х.Даваа