Усны алдагдлыг бууруулах төсөл хэрэгжиж эхэллээ

БНСУ-ын Засгийн газрын буцалтгүй тусламжаар Улаанбаатар хотын "Ус, дулаан хангамжийн төвийг шинэчлэх" төслийн II шат эхэллээ. КОЙКА-гаар дамжуулан хэрэгжүүлэх төслийн хүрээнд ус дулаан түгээлтийн шугамын хоолой, тоног төхөөрөмжийг шинэчлэх юм. Энэхүү төслийг хэрэгжүүлсний үр дүнд орон сууцны оршин суугчдыг ус хангамжаар найдвартай, жигд хангах боломж бүрдэх юм.

Усны даралтыг зөв хуваарилснаар айл өрхүүдийн сантехникийн шугам хоолойн эдэлгээг уртасгаж, насосыг амралтын болон ажлын өдрүүд, өдөр шөнийн хэрэглээг тооцож, тохируулан ажиллуулснаар ус хэмнэх, усны алдагдлыг бууруулах боломжтой юм байна.

Эх сурвалж: "Улаанбаатар таймс" сонин