Талбайн баруун талын зам өнөөдөр нээгдлээ

Өнөөдөр өглөө 07.00 цагт Сүхбаатар талбайн баруун тал буюу Төв шуудангийн зүүн урд уулзвараас, Засгийн газрын ордны баруун тал Улаанбаатар банк хүртэлх замын засвар дуусчээ. Тус замын ажлыг энэ сарын 21-нд эхлүүлсэн бөгөөд төлөвлөгөө ёсоор энэ сарын 25-нд  нээх байсан ч замын тэмдэг, тэмдэглэгээ хийх ажил дуусаагүй байсан тул хэсэг хугацаагаар хойшлуулсан юм.

Замын засварт асфальтбетон хучилт, гэрэл дохио, борооны ус зайлуулах шугам, цахилгаан, дулаан холбооны шугам сүлжээний ажлууд хийгджээ. Энэхүү зам засварын гүйцэтгэлийг “Наранбулаг Хан” ХХК хийж гүйцэтгэсэн байна.

Д.Шинээ