Н.Энхбаярын баруун хөл мэдээ ороогүй байна

МАХН-ын дарга Н.Энхбаяр сайд нарын гэгдэх хоёрдугаар эмнэлгийн эрчимт эмчилгээний тасагт эмчлүүлж байна. Түүний биеийн байдал өнөөдрийн байдлаар тааруу,хоолны дуршилгүй, махан хоол огт идэж чадахгүй байгаа аж. Түүнчлэн даралт нь унаснаас болоод толгой нь эргэж босч чадахаа байсан тул өнөөдөр өгөх ёстой байсан зарим нарийвчилсан шинжилгээндээ хамрагдаж чадаагүй байна. Тэрээр хорих 461-р ангиас хоёрдугаар эмнэлэг рүү шилжих үедээ баруун хөл мэдээгүй болсны улмаас таягтай тэргэнцэр дээр сууж ирснийг хүмүүс харсан. Харин түүний баруун хөл одоог хүртэл мэдээ ороогүй байгаа гэж эх сурвалж мэдээллээ.

А.Алт