МАХН орон нутагт нэр дэвшигчдээ тодруулна

Өчигдөр МАХН-ын төв байр цагаан ордонд МАХН-ын нарийн бичгийн дарга нарын хуралдаан болжээ. Хуралдаанаар ойрын хугацаанд бүсийн чуулга уулзалтыг яаралтай зохион байгуулж орон нутгийн сонгуульд нэр дэвших хүмүүсийг тодруулахаар болсон байна.

МАХН-ын Зүүн бүсийн чуулга уулзалт Дорнод аймгийн Чойбалсан хот , говийн бүсийн чуулга уулзалт Дорноговь аймгийн Сайншанд хот , төвийн бүсийн чуулга уулзалт Дархан хотод,  хангайн бүсийн чуулга уулзалт  Архангай аймгийн Цэцэрлэг суманд, баруун бүсийн чуулга уулзалт Ховд хотод  энэ сарын 9-ний өдөр нэгэн зэрэг  болохоор  товлогдоод байгаа юм байна.  Харин үүний дараа нийслэлийн бүсийн хуралдаан 9-р сарын 16-нд болохоор товлогджээ.

А.Баярмаа