УИХ-ын гишүүдийг ангийн дарга нь дуудлаа

Өнөөдөр УИХ-ын ээлжит бус чуулган 10:00 цагт хуралдах ёстой ч  одоо болтол эхлээгүй байна. Учир нь чуулганы ирц бүрдээгүй юм.  Өнөөдрийн хуралдаанд 71 гишүүн оролцох ёстойгоос гадаадад томилолттой найм, дотоод томилолттой гурав, чөлөөтэй нэг гишүүн байгаа ажээ.

Тодруулбал УИХ-ын гишүүн Ц.Даваасүрэн, Ц.Цолмон, М.Батчимэг, С.Ганбаатар, Р.Бурмаа А.Бакей зэрэг байнгын хороодын дарга нар АНУ-ын Бүгд найрамдах намын урилгаар УИХ-аас томилолт авсан бол УИХ-ын гишүүн Ц.Нямдорж АНУ-д, Д.Лүндээжанцан Турк улсад  тус тус ажиллаж байгаа гэнэ.  Харин УИХ-ын гишүүн  Б.Наранхүү Дундговь, Б.Бат-Эрдэнэ Хэнтий, Ж.Энхбаяр Орхон аймагт ажиллаж байгаа гэнэ.

Чуулганы ирц бүрдээгүй болохоор УИХ-ын дарга З.Энхболд чуулганы танхимд ирээгүй гишүүдийн нэрсийг  дуудав.  Хэрвээ ирэхгүй бол 10 минутын дараа дахин дуудах ажээ. Чуулганы танхимд АН болон Шударга ёс эвслийн гишүүд ирсэн байна.

Бид чуулганы мэдээллийг шуурхай хүргэх болно.

А.Баярмаа