Архины ОАТ-ыг нэмэх хуулийн төслийг баталлаа

Архины онцгой албан татварын нэмэхтэй холбоотой хуулийн төслийг анхны хэлэлцүүлгээр нь батлах талаар дөнгөж сая УИХ-ын чуулганаар хэлэлцлээ. Энэ үеэр  УИХ-ын гишүүн Ж.Батсуурь ганцаараа асуулт асуусан юм. Тодруулбал

УИХ-ын гишүүн Ж.Батсуурь: Албан татварыг доллараар хэмжиж байгаа нь зүйтэй  юм уу? гэхэд

УИХ-ын гишүүн С.Баярцогт: Хуулинд нэмэлт өөрчлөлт оруулсан. Хуулийнхаа дагуу явагдаж байна хэмээн хариулав.  

Үүний дараа горимын саналыг эхний хэлэлцүүлгээр батлахыг  52 гишүүний 16 нь татгалзаж 36 нь зөвшөөрөв. Улмаар хуулийн төслийг батлах эсэхэд 52 гишүүн оролцсоноос 40 нь дэмжиж 12 нь татгалзав.  

А.Баярмаа