Н.Энхбаярыг суллуулах өргөдөлд 35400 хүн гарын үсгээ зуржээ

МАХН-ын дарга Н.Энхбаярт шүүхээс ял өгсний дараа МАХН-ын гишүүд дэмжигчид шүүхийн шийдвэр хууль бус, улс төрийн хэлмэгдүүлэлт байсан хэмээн мэдэгдсэн. Ингээд “Монгол Улсын гурав дахь Ерөнхийлөгч Н.Энхбаярыг хилс хэргээс аврах ард түмний гарын үсэг” аяныг өнгөрсөн сарын 24-ний өдрөөс улс орон даяар өрнүүлсэн юм. Өнөөдрийн байдлаар тус аянд нэгдэж буйгаа илэрхийлж 35400 хүн гарын үсгээ өгөөд байна хэмээн аяныг зохион байгуулагчид мэдэгдлээ. Цугларсан гарын үсгийг одоогоор МАХН-ын удирдлагуудад хүргүүлээд байгаа бөгөөд тун удахгүй Монгол Улсын Ерөнхийлөгч, Ерөнхий сайд, УИХ-ын даргад хүргүүлэх юм байна. Аян хэлмэгдэгсдийн дурсгалыг хүндэтгэх өдрийг дуустал улс орон даяар үргэлжлэх юм байна.

А.Баярмаа