УИХ-ын чуулганы ирц бүрдсэнгүй

Өнөөдөр  УИХ-ын чуулган  10:00 цагт товлогдсон байлаа.  Харин гишүүдийн  дийлэнх нь чуулганы танхимд ирээгүйн улмаас УИХ-ын дарга  нэрийг нь дуудаж  хүлээсэн ч тусыг эс олов.  Улмаар Төрийн байгуулалтын байнгын хороог  13:00 цагт хуралдсаны дараа  чуулган болохыг  анхааруулав.  Төрийн байгуулалтын байнгын хороо  цагаасаа хожуу эхэлсэн ч сунжирсангүй, санал хурааснаар “түргэн” дууссан юм.  Үүний дараа чуулганыг 15:00 цагт хуралдуулах байсан  ч гишүүдийн ирц мөн л хүрсэнгүй. Гишүүдийг  ангийн дарга нь цаг гучин минут харзнаад  “итгэл алдрав”.  

Өөрөөр хэлбэл өнөөдөр хэлэлцэх байсан асуудлуудыг маргаашийн чуулганаар хэлэлцэх бөгөөд хэрвээ маргаашийн  ирц бүрдвэл цаг сунган хуралдах нь тодорхой боллоо.  

А.Баярмаа