Харвардын их сургуульд Ерөнхийлөгчид лекц уншдаг уламжлал тогтлоо

Монгол Улсын Ерөнхийлөгч Цахиагийн Элбэгдорж Харвардын их сургуулийн Төрийн удирдлагын сургууль болох АНУ-ын 35 дахь Ерөнхийлөгч Жон Фицжералд Кеннедигийн нэрэмжит сургуулийн Форумд энэ сарын 21-ний өдөр лекц уншлаа. Энэ нь Монголын үе үеийн Ерөнхийлөгчид Харвардын их сургуульд лекц уншдаг уламжлал тогтсоныг дэлхий дахин зарласан үйл явдал боллоо. Тухайлбал 2005 онд Монгол улсын гурав дахь Ерөнхийлөгч Н.Энхбаяр Массачусет мужийн амбан захирагчийн хүсэлтийн дагуу АНУ-д хүрэлцэн очиж Харвардын их сургуульд лекц уншиж байжээ. Харвардын их сургуулийн индер дээрээс дэлхийн их гүрнүүдийн удирдагчидтай өөрийн улс орныхоо замнал түүхэн туршлагаас хуваалцдаг жишиг тогтлоо гэж энэ явдлыг харах хүн олон байна.

А.Баярмаа