МҮАН-ын гишүүд талийгаач М-д хүндэтгэл үзүүллээ

Өвөрхангайн замд МАХН, МҮАН-ын гишүүдийн сууж явсан автомашин осолдсоноос сэтгүүлч М амиа алдсан харамсалтай хэрэг гарсан. Талийгаачийн гэр бүлд МҮАН-ынхан өчигдөр хүндэтгэл үзүүлж, эмгэнэл илэрхийлжээ. УИХ-ын гишүүн Н.Батцэрэг, Г.Уянга нарын МҮАН-ын удирдлагууд М-ийнд очсон байна.

Талийгаач нь сэтгүүлч мэргэжилтэй, МҮАН-ын идэвхтэй гишүүдийн нэг байсан гэнэ. Одоогоор ослын шалтгааныг холбогдох албаныхан шалгаж байгаа ба хурд хэтрүүлсэний улмаас автомашин осолдсон байж болзошгүй гэсэн мэдээлэл байгаа юм. Талийгаачийг ирэх долоо хоногийн даваа гаригт хөдөөлүүлэхээр болжээ.

А.ТЭМҮР