С.Ганбаатар, С.Баярцогт нар мэтгэлцэхэд бэлэн

Өнөөдөр  С.Ганбаатар, С.Баярцогт нар мэтгэлцэх байсан.  Харамсалтай нь УИХ-ын дэд дарга С.Баярцогт: “Ажил ихтэй байна. Оюу Толгойтой ажил хэргийн хэлэлцээр хийж байна” гэж тайлбарласан тул мэтгэлцээнийг тодорхойгүй хугацаагаар хойшлуулсан байна. Улмаар УИХ-ын 25 гишүүнээс бүрдсэн ажлын хэсэг дараах үндсэн дөрвөн хэсэг бүхий мэдээллийг сэтгүүлчдэд хийлээ.

1. Мэтгэлцээн хийхэд бэлэн. Ойрын хугацаанд МҮОНРТ-ээр мэтгэлцээнийг хийж, дараагийн мэтгэлцээнийг УИХ-аас зохион байгуулах.  
2. Түр хороог байгуулна. Үүний хажууд Монголын эрдэмтэн мэргэд, экспертийн багийг бүрдүүлэн ажиллуулах. Дотоод ойлголцоо нэгтгэх шаардлагатай байна.
3. 71/29 хувийн ашиг хэмээх сурталчилгаа байгаа. Үүнийг шүүхэд өгч байна. Оюу толгой ёс зүйн алдаа гаргаж байгаа бөгөөд энэ сурталчилгаа нь ямар ч үндэслэлгүй юм. Зарласан сурталчилгааныхаа тоогоор Монголын ард түмнээс уучлалт гуйх ёстой.
4. Мэтгэлцээний сэдвийг олон нийтийн мэдээллийн хэрэгслээр зарлах болно. Биднийг  хуурч Өмнөговьтой гэрээ байгуулахаар шамдаж байна. Үүнийг ЗГ-ын хэмжээнд асуудлыг авч үзэх ёстой.

Ингэж мэдээлэл хийж байхад УИХ-ын гишүүн С.Баярцогт гишүүн хуралдаанд орж ирсэн. Тэрбээр мэтгэлцээнийг хийнэ. Гэхдээ ижил мэдээлэлтэй байх ёстой болохоор хугацаа хэрэгтэй гэдгээ хэлж, сэтгүүлчдийн асуултад хариулав. Тухайлбал 71/29 хувийн ашиг хэмээх сурталчилгааны талаар: “Сурталчилгааг гаргасан байгууллагаас нь асуух хэрэгтэй. Миний хувьд мэтгэлцэхэд хэзээд бэлэн. Хүн хэлсэн үгнийхээ төлөө хариуцлага хүлээх ёстой. Би ч гэсэн хүлээнэ” гэв.  

Улмаар тэд сэтгүүлчдийн цөөнгүй асуултад хариулж, ойрын хугацаанд олон нийтийн өмнө мэтгэлцэхээр боллоо.

А.Баярмаа