АНУ-ын худалдааны яамны төлөөлөгчдийг хүлээн авч уулзлаа

Өнөөдөр Монгол Улсын Ерөнхийлөгчийн Тамгын газрын Дарга П.Цагаан АНУ-ын Худалааны яамны Олон улсын худалдааны газрын Гадаад зах зээлийн асуудал хариуцсан Дэд Сайдын орлогч Жон Андерсен тэргүүтэй төлөөлөгчдийг хүлээн авч уулзлаа.

Уулзалтын үеэр хоёр тал Монгол Улс болон АНУ-ын хоорондын хамтын ажиллагааг худалдаа, хөрөнгө оруулалт, эдийн засгийн салбарт тэлэх боломж, бололцооны талаар ярилцан санал солилцож, Монгол Улсын томоохон гурав дахь хөрш АНУ-тай нийгэм, эдийн засгийн олон салбар дахь харилцаагаа үргэлжлүүлэн хөгжүүлэхэд бэлэн байгаагаа Тамгын газрын дарга П.Цагаан илэрхийлсэнээр уулзалт өндөрлөв.

А.ТЭМҮР