СЕХ-ны гишүүд “мурив”

 Дөнгөж сая СЕХ-д УИХ-ын сонгуулийн аравдугаар тойрог буюу Өвөрхангай аймагт АН болон МАН-аас нэр дэвшигчдийн асуудлыг хэлэлцэв.  Хоёр мандаттай тус тойрогт АН-аас Д.Зоригт Г.Батхүү, МАН-аас  С.Чинзориг, Н.Төмөрхүү нар нэр дэвшсэн юм. Харин сүүлийн үед АН-аас нэр дэвшигчид УИХ-ын гишүүн тангараг өргөх нь тодорхой боллоо гэх албан бус мэдээ гарах болсон. Үүнийг албан ёсны болгох хуралдаан СЕХ-д болж байна гэж дуулсан МАН-ын гишүүд СЕХ-д ирж өөрсдийн байр суурийг илэрхийлэв.  Үүний дараа СЕХ хуралдаж эхэлсэн юм. Гэвч хуралдаанаас ямар шийдвэр гарсныг хэлэлгүй арынхаа хаалгаар гарчээ.  Харин энэ талаар МАН-ын гишүүд болон сэтгүүлчид хожим мэдсэн юм. Хуралдааны шийдвэрийг тодруулахаар СЕХ-ны дарга руу залгахад утсаа салгасан байлаа. Харин хэвлэлийн төлөөлөгч нь утсаа дуудаад авахгүй “гүрийв”.

МАН-ын зүгээс хэрвээ СЕХ АН-ын гишүүдийг тангараг өргүүлэх юм бол асуудлыг хуулийн дагуу дараа дараагийн арга хэмжээг авах болно гэдгээ илэрхийлсэн.

Албан бус мэдээгээр МАН-ын гишүүд дөнгөж сая Монгол улсын Ерөнхийлөгч Ц.Элбэгдоржтой уулзаж шударга байхыг анхааруулсан гэнэ.

Юутай ч Өвөрхангайчууд өөрсдийн төлөөллийг тун удахгүй УИХ-ын суулгах нь бололтой. Харин хэн нь гэдгийг хүлээх л үлдлээ.

А.Баярмаа