МАН-ыг жагсаалаа дуусгаж чуулгандаа суухыг хүслээ

Өнөөдөр үдээс өмнө УИХ-ын чуулганы нэгдсэн хуралдаантай байсан боловч МАН-ын гишүүд, дэмжигчид СЕХ-ны шийдвэрийг эсэргүүцсэн жагсаал хийж төрийн ордны бүх хаалгыг хааж гишүүдийг гадагшаа дотогшоо нэвтрүүлэх боломжгүй болгосноор чуулганы нэгдсэн хуралдааны ирц хүрэлгүй үдээс хойш 15 цагаас хуралдахаар боллоо.

УИХ-ын дарга З.Энхболд чуулганы танхимд орж ирсэн гишүүдэд хандаж өнөөдөр МАН-ын зохион байгуулж байгаа жагсаалаас болж УИХ-ын нэгдсэн чуулган хуралдаж чадахгүйд хүрлээ. Ардын намынхан энэ асуудлаа яаралтай зогсоох хэрэгтэй. Мөн төрийн ордны хамгаалалтын албаныхан гишүүдийг нэвтрүүлэх ажлаа хийе. Тиймээс үдийн хоолны дараа чуулганы хуралдааныг зарлалаа.

А.ТЭМҮР