Н.Алтанхуяг: ЗГ-ын мөрийн хөтөлбөрт зөвхөн “шар нунтаг” олборлох асуудал орсон

Чуулганы нэгдсэн хуралдаанаар ирэх оны нэгдсэн төсвийн асуудал хэлэлцэгдэж байна. Энэ үеэр МАН-ын гишүүдийн зүгээс Засгийн Газрын мөрийн хөтөлбөрт орсон “Ураны хөтөлбөр”-ийн санхүүжилтийн талаар асуухад Монгол Улсын Ерөнхий сайд Н.Алтанхуяг: “Засгийн газрын мөрийн хөтөлбөрт цөмийн энергийн асуудал ороогүй. Зүгээр “шар нунтаг” хүртэл олборлох ажил хийнэ. Тэрнээс биш түүнээс цаашаа бид явахгүй. Засгийн Газрын Ураны асуудал маш ойлгомжтой “шар нунтаг” гэдэг зүйлээс өөр асуудал цаашаа байхгүй.

Хуучин Цөмийн энергийн газрын дарга н.Энхбат гэж нөхөр байхдаа цөмийн энергийн болон атомын цахилгаан станц байгуулах бүхий асуудлууд оруулж ирж байсан тэр бүх бичиг баримт нь надад байна” гэж тэрээр хэллээ.

А.ТЭМҮР