”Samsung” корпораци ”BlackBerry”-г худалдаж авна

Технологийн тэргүүлэгчдийн нэг "Samsung" корпораци зах зээлийнхээ нэр хүндтэй өрсөлдөгч "BlackBerry-г" 7.5 тэрбум ам.доллараар худалдан авах гэрээнд бараг л тохиролцоонд хүрчээ. Энэ үеэр "Apple" зүгээр суусангүй "BlackBerry" компанийн удирдлагуудад үнийн саналаа илгээсэн байна. "Ройтерс" агентлагт бичсэнээр "BlackBerry" ойрын хугацаанд "Samsung"-ийн мэдэлд бүрэн шилжих бөгөөд эхний ээлжинд тус компанийн хувьцаа нэг бүрийг 13.5-15.49 ам.доллараар нийт 60 хувийг нь худалдан авсан аж.

Ингэснээр "Samsung" үйлдвэрлэлийнхээ баазыг өргөжүүлж, "BlackBerry"-гийн үйлдлийн системийг android-той хослуулсан цоо шинэ бүтээл гаргах ажилдаа орсон гэнэ.

Компанийн удирдлагууд өнгөрсөн долоо хоногт уулзаж, "BlackBerry"-гийн ажилчдын нөхцөл байдлын тухай ярилцсан аж. Харин технологийн компаниуд худалдан авалтын зарим нэг баримт бичгийг нууцалж байгаа гэнэ.

Т.Бат