Согтуу жолооч зам тээврийн ноцтой осол гаргаж, хүүхдийн аминд хүрчээ

Баянзүрх дүүрэгт зам тээврийн ноцтой осол гарч, нэг хүүхэд газар дээрээ нас баржээ. Уг хэрэг өчигдөр өглөөний 10:00 цагийн орчимд гарсан бөгөөд "5916 УНХ" улсын дугаартай ачааны машины согтуу жолооч хоёр хүүхдээ хөтлөөд явган хүний замаар явж байсан эмэгтэйг мөргөсөн байна. Үүний улмаас нэг хүүхэд нь газар дээрээ нас барж, нөгөө хүүхэд болон хоёр хүүхдийн ээж хүнд гэмтэж эмнэлэгт хүргэгдсэн байна. Осол гарсан даруйд түргэн тусламж дуудсан боловч түргэний машин 40 минут орчмын дараа ирсэн гэнэ.