Төрөлхийн зүрхний гажигтай 100 хүүхдийг үнэ төлбөргүй эмчлэх ажил эхэллээ

МУЗН, БНХАУ-ын Улаан загалмай нийгэмлэгийн Эрүүл мэндийн сантай хамтран төрөлхийн зүрхний гажигтай 100 хүүхдэд үнэ төлбөргүй эмчилгээ хийхэд хамтран ажиллахаар болсон.

БНХАУ-аас тэргүүлэх зэргийн эмч нар эхний ээлжинд  эмчлүүлэх 20 хүүхдийг сонгохоор  ирсэн бөгөөд энэ сарын 26,27-ны өдрүүдэд Улсын гуравдугаар эмнэлэгт  үзлэг хийх юм байна. Монгол Улсад эмчлэгдэх боломжгүй хүнд, хавсарсан зүрхний төрөлхийн гажигтай нярай болон 0-16 насны 100 хүүхдэд  үнэ төлбөргүй эмчилгээг БНХАУ-ын Бээжин хот, ӨМӨЗО-ны Хөх хотын өндөр түвшний эмнэлгүүдэд хийх юм. Төслийн хүрээнд эмчилгээнд орох хүүхэд болон асран хамгаалагч нэг хүний байр, хоол, унааны зардлыг БНХАУ-ын Улаан загалмай нийгэмлэгээс гаргах ажээ.

Д.Дорж

www.zindaa.mn