Сонгинохайрхан дүүргийн АН-ын гишүүд С.Эрдэнийг эсэргүүцлээ

М.Хангал | Zindaa.mn
2019 оны 06 сарын 18

Нийслэлийн Сонгинохайрхан дүүргийн Ардчилсан намын гишүүд АН-ын дарга С.Эрдэнийг эсэргүүцэн өнөөдөр /2019.06.18/ мэдээлэл хийлээ.

Мэдээллийн үеэр АН-ын гишүүд намын дарга С.Эрдэнийг буруу бодлого, шийдвэр гаргаснаас болж зургаан сарын өмнө 20 хувьтай байсан намын рейтинг долоон хувьтай болж буурсныг шүүмжилж байлаа. Мөн АН-ын дарга С.Эрдэнэ аймаг, дүүргийн намын дунд шатны байгууллагуудад өөрийн төлөөний хүнийг томилсон ба Сонгинохайрхан дүүрэгт Д.Батцогтыг намын дүрэм зөрчин, дүүргийн намын даргын үүрэг гүйцэтгэгчийн албан тушаалд томилсон хэмээн буруутгаж байсан юм.

СХД-ийн 12-р хорооны иргэн, АН-ын гишүүн Э.Бямбацэрэн хэлэхдээ “АН-ын дарга С.Эрдэнэ өөрийнхөө үйл ажиллагаанд тохируулж, намын дүрмийг зассан. Намын хурлаар баталсан дүрмийг Улсын дээд шүүхэд бүртгүүлэхдээ өөрт ашигтай заалтуудыг оруулан батлуулсан. Намын даргаа солих эрх намын Их хуралд хадгалагдаж байдаг учраас бид хурлаа хийж, С.Эрдэнэ даргын асуудлыг хэлэлцэхийг шаардаж байна” гэлээ.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top