АН-ын бодлогын зөвлөлийн дарга нарыг С.Эрдэнэ батламжилна

АН-ын Бодлогын зөвлөлийн дарга сонгох сонгуулийн дүнг АН-ын дарга, Бодлогын ерөнхий зөвлөлийн дарга С.Эрдэнэд тус намын Дотоод сонгуулийн хорооны дарга И.Мөнхжаргал өнөөдөр /2019.07.02/  өргөн мэдүүлсэн байна. Тус сонгуулийн талаар Дотоод сонгуулийн хорооны дарга И.Мөнхжаргал "Ардчилсан намын Үндсэн дүрмийн дагуу ҮБХ-ны гишүүд 16 Бодлогын зөвлөлд хуваагдан ажиллаж байна. Үндсэн дүрэмд заасны дагуу Бодлогын зөвлөлийн дарга сонгох сонгуулийг 2019 оны зургадугаар сарын 26-ны өдөр  зохион байгуулж, нууц санал хураалт явуулсан. Тус сонгуульд нийт 22 нэр дэвшигч өрсөлдсөн. Сонгуулийн дүнг бид АН-ын даргад өргөн мэдүүлэх журамтай. Бодлогын  зөвлөлийн дарга нар 2020 оны УИХ-ын сонгуульд АН-аас дэвшүүлэх мөрийн хөтөлбөрийг боловсруулахад түүчээлэн ажиллана. Бодлогын зөвлөлийн дарга нарыг АН-ын дарга С.Эрдэнэ баталгаажуулснаар үйл ажиллагаа явуулах эрх зүйн орчин бүрдэнэ" хэмээн тайлбарлав.

Бодлогын зөвлөлийн даргаар сонгогдсон нэр дэвшигчид: 

1. Байгаль орчны бодлогын зөвлөл-Т.Энхсайхан 

2. Батлан хамгаалахын бодлогын зөвлөл-Ш.Түвдэндорж 

3. Бүс нутгийн хөгжил, хот байгуулалт, барилгын бодлогын зөвлөл-Д.Пүрэвдаваа

4. Боловсрол, хөдөлмөр эрхлэлтийн бодлогын зөвлөл- Б.Түвшин 

5. Шинжлэх ухаан, технологи, мэдээлэл, харилцааны бодлогын зөвлөл-Д.Алтангэрэл 

6. Хууль зүйн бодлогын зөвлөл-Д.Оросоо

7. Зам тээврийн бодлогын зөвлөл- Т.Болдбаатар 

8. Мал аж ахуй, газар тариалан, хүнсний бодлогын зөвлөл- Б.Баянмөнх 

9. Санхүүгийн бодлогын зөвлөл- Д.Ганбаяр 

10. Соёл, спорт, аялал жуулчлалын бодлогын зөвлөл- С.Од-Эрдэнэ

11. Түлш, эрчим хүчний бодлогын зөвлөл- Ж.Осгонбаатар 

12. Хүн амын хөгжил, хүүхэд, залуучууд, ахмат настан, гэр бүлийн бодлогын зөвлөл- Д.Үүрийнтуяа 

13. Гадаад хэргийн бодлогын зөвлөл- Ц.Сүхбаатар 

14. Геологи, уул уурхай, газрын тосны бодлогын зөвлөл- Б.Ариунболд 

15. Эдийн засгийн хөгжил, төлөвлөлтийн бодлогын зөвлөл- О.Эрдэнэ-Өрнөх 

16. Эрүүл мэнд, нийгмийн үйлчилгээний бодлогын зөвлөл- Ж.Амарсанаа