СЭРЭМЖЛҮҮЛЭГ: “Монос” хүнсний үйлдвэрт осол гарч, хүн гэмтжээ

Б.Гантуяа | Zindaa.mn
2019 оны 12 сарын 16



Өнгөрөгч долоо хоногт Хан-Уул дүүрэгт байрлах хүнсний үйлдвэрт осол гарч, нэг хүн гэмтсэн хэрэг гарчээ. Тодруулбал, тус дүүрэгт байрлах “Монос” хүнсний үйлдвэрийн ажилтан түлэгдэж, Гэмтэл согог судлалын үндэсний төвд хүргэгдэн ирсэн байна.

Дуудлагын дагуу цагдаагийн албанаас шалгалт явуулж эхэлсэн бөгөөд тус үйлдвэрийн ажилтан, 27 настай эмэгтэй Д-г гааны эссенз ариутгаж байхад нь гал гарч түлэгджээ. Одоогоор гэмтсэн эмэгтэй ГССҮТ-ийн түлэнхийн тасагт хэвтээд байгаа ба түүний нүүр, хүзүү, баруун гар түлэгдсэн оноштойгоор эмчилгээ хийлгэж байна.

Өвчтөний биеийн байдлын тухай ГССҮТ-ийн эх сурвалжаас тодруулахад, "Түлэнхийн тасагт эрчимт эмчилгээ хийлгэж байгаа. Биеийн ерөнхий үзүүлэлт сайжирсан" гэх мэдээллийг өглөө.

Хэргийг Хан-Уул дүүрэг дэх цагдаагийн хоёрдугаар хэлтэст үргэлжлүүлэн шалгаж байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top