КОВИД-19 | ОХУ амралтын газруудыг хаах шийдвэр гаргав

Автор | Zindaa.mn
2020 оны 03 сарын 27

ОХУ-ын Ерөнхий сайд Михаил Мишустин амралтын газруудыг түр хаах талаар заавар өгчээ. Бүхий л төрлийн амралтын газруудыг ирэх зургаадугаар сарын 1-нийг хүртэл хаах аж.

Хойд хөршийн Ерөнхий сайдын заавар энэ сарын 28-наас хэрэгжиж эхлэх гэнэ. Түүнчлэн нийтийн хоолны байгууллагуудад зайнаас зарахаас бусад тохиолдолд үйл ажиллагаагаа дөрөвдүгээр сарын 5-ны өдөр хүртэл түр зогсоохыг үүрэг болгожээ.

Михаил Мишустин өмнө нь бүс нутгийн эмнэлгүүдэд коронавирусний халдвартай өвчтөнүүдийг эмчлэх орны тоог нэмэхийг үүрэг болгосон билээ.

ОХУ-д өнөө өглөөний /2020.03.27/ байдлаар коронавирусний халдварын 840 тохиолдол бүртгэгдээд байна. Эдгэрсэн хүний тоо 38 болжээ. Москвад (546), Москва мужид (41), Санкт-Петербургт (26) болон Свердловск мужид (20) тохиолдол бүртгэгдээд байгаа юм.

Хойд хөршид сүүлийн 24 цагт 182 шинэ тохиолдол бүртгэгдсэн бол нас барсан хүний тоо хоёр байна.

 

Top