Меган, Харри нар Холливудад карьераа эхэлжээ

Сассексийн гүн Харри, жүжигчин Меган Маркл нар продюсерын компани байгуулжээ. 39 настай Меган Маркл, 35 настай Харри нар Холливудад карьер хөөх сонирхолтой байгаа гэнэ. Тэд “Netflix”-тэй өндөр өртөгтэй гэрээ байгуулсан байна.

Меган, Харри нар баримтат болон уран сайхны кино, шоу, хүүхдийн нэвтрүүлгүүд хийж эхлэх гэнэ.

“Netflix” компанийнхэн Их Британийн хатан хааны ач хүү болон түүний эхнэртэй хамтран ажиллах гэрээ байгуулсандаа баяртай байгаа аж.