ЗАСГИЙН ГАЗАР: Хилээ нээхгүйгээр хэвийн горимд шилжиж байна

2020 оны 09 сарын 14

Засгийн газар өнөөдөр /2020.09.14/ ээлжит бусаар хуралдаж, УОК-ийн мэдээлэлтэй танилцан,  хэлэлцэн дараах шийдвэрийг гаргалаа.


  • 2020 оны 09 дүгээр сарын 16-наас Соёл урлаг, олон нийтийн арга хэмжээ, худалдаа, үйлдвэрлэл, нийтийн үзвэр үйлчилгээний газрууд
     
  • 2020 оны 09 дүгээр сарын 21-ээс Бүх шатны боловсролын байгууллагуудын үйл ажиллагааг  тус тус хэвийн горимд шилжүүллээ
     
  • Хоёр настай бүх хүүхдийг цэцэрлэгт хамруулна
     
  • Гэрийн тусгаарлалтын 14 хоногийг цуцлав


Засаг, захиргаа нутаг дэвсгэрийн нэгж, төрийн болон нутгийн захиргааны байгууллага, хуулийн этгээдийг гамшгаас хамгаалах өндөржүүлсэн бэлэн байдлын зэрэгт шилжүүлсэн хугацааг 2020 оны 10 дугаар сарын 31-ний өдрийг дуустал сунгав. Гэхдээ зарим хязгаарлалтыг цуцаллаа.

Коронавируст халдварын салбар дундын 12 дахь шатны эрсдлийн үнэлгээний дүн, коронавируст халдвар /КОВИД-19/-ын цар тахлыг дотооддоо алдаагүй зэргийг харгалзан сургуулийн өмнөх болон бүх шатны боловсролын байгууллагуудын хичээл, сургалтын үйл ажиллагааг 2020 оны 09 дүгээр сарын 21-ний  өдрөөс эхлэн хэвийн горимд шилжүүллээ. Мөн хоёр настай хүүхдүүдийг хамран сургах тойргийн дагуу цэцэрлэг болон бусад зөвшөөрөгдсөн хүүхэд харах үйлчилгээнд ялгаварлалгүйгээр хамруулахыг холбогдох байгуулагуудад үүрэг болголоо.

Соёл урлаг, олон нийтийн арга хэмжээ, худалдаа, үйлдвэрлэл, нийтийн үзвэр үйлчилгээний газруудын үйл ажиллагааг 2020 оны 09 дүгээр сарын 16-ны өдрөөс мөн хэвийн горимд шилжүүллээ. Цар тахлаас урьдчилан сэргийлээх, ариутгал халдваргүйжүүлэлтийг заавар зөвлөмжийн дагуу тухайн засаг захиргаа нутаг дэвсгэрийн хэмжээнд тогтмол зохион байгуулж, мэргэжлийн байгууллагуудтай хамтран хяналт тавьж ажиллахыг аймаг нийслэлийн Засаг дарга нарт үүрэг болголоо. Харин агаарын болон, автотээврийн төмөр замын хилийн боомтуудын нэвтрэх хөдөлгөөнийг хязгаарлах хугацааг 2020 оны 10 дугаар сарын 31 хүртэл үргэлжүүлэхээр шийдвэрлэлээ.

Гадаад улс орнуудаас захиалгат нислэгээр ирж буй болон бусад шалтгаанаар тусгаарлалтад орсон иргэдийг 21 хоногийн тусгаарлалтаа дуусгасны дараа гэрийн тусгаарлалтад 14 хоног шилжүүлдэг байсныг цуцаллаа гэж Засгийн газрын Хэвлэл мэдээлэлтэй харилцах  хэлтсээс мэдээллээ.

 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(103.57.93.139) 2020 оны 09 сарын 15

Цагаан сар өнгөртөл хилээ бүү нээ. Валют хэрэггүй бэлэг нэртэй хог руу урсахгүй шүү. Мөн Дарга нар гадагш явж зардал гаргахгүй сайн таотай байна.Дотоодын хүнсээ хэрэглээд сайхан болж л байна

0  |  0
НОГООЧИН(103.80.210.18) 2020 оны 09 сарын 14

ЗӨВ. ХИЛ НЭЭХГҮЙ БАЙЛАА ГЭЭД МОНГОЛЧУУД ҮХЭХГҮЙ, ХАРИН Ч ҮЙЛДВЭРЛЭЛ ХӨГХИН АЯСТАЙ, ХЭЗЭЭ Ч НОГОО ТАРЬЖ ҮЗЭЭГҮЙ МАНЬ МЭТ НОГООГОО ТАРЬЖ СУРЧ БАЙНА. МОНГОЛЧУУДАА ТА ЧАДНА АМЖИЛТ

2  |  0
Зочин (202.9.47.1) 2020 оны 09 сарын 14

Хилээ хоёр дахь давлагаа дуустал нээж болохгүй шүү\n

1  |  2
Top