ДОРНЫН ЗУРХАЙ: Үс засуулбал эд, мал арвижна

ӨВЛИЙН АДАГ ШАРАГЧИН ҮХЭР САРЫН НАЙМАН ЦАГААН МЭНГЭТЭЙ УЛААН БАР ӨДӨР

• Аргын тооллын: 2021.01.18, Даваа гараг
• Билгийн тооллын: 05, Сумъяа гараг
• Наран ургах шингэх: 8.35-17.30
• Үс засуулбал: Эд, мал арвижна
• Барилдлага: Рашаан
• Шүтэн барилдлага: Төрөн түгэхгүй
• Суудал: Төмөр

Тухайн өдөр морь, нохой жилтнээ аливаа үйлийг хийхэд эерэг сайн.

Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ хэлцлээ буцаахад сайн. Золиг гаргах, бомбын үйл, сэтгэлд сэвтэй газар очих, хүүхэд хөлд оруулахад муу.

Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал эд, мал арвижна.