ДОРНЫН ЗУРХАЙ: Энэ өдөр морь, нохой жилтнээ аливаа үйлийг хийхэд эерэг сайн

ӨВЛИЙН АДАГ ШАРАГЧИН ҮХЭР САРЫН ХОЁР ХАР МЭНГЭТЭЙ ЦАГААН БАР ӨДӨР

• Аргын тооллын: 2021.02.11, Пүрэв
• Билгийн тооллын: 30, Бархасвадь гараг
• Наран ургах, шингэх: 08.05-18.08
• Үс засуулвал: Эрлэг лугаа учирна
• Барилдлага: Үл зохилдох
• Шүтэн барилдлага: Сансар
• Суудал: Төмөр

Тухайн өдөр морь, нохой жилтнээ аливаа үйлийг хийхэд эерэг сайн. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ хэлцлээ буцаахад сайн. Золиг гаргах, бомбын үйл, хүүхэд хөлд оруулахад муу. 

Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй.