ДОРНЫН ЗУРХАЙ: Энэ өдөр цэцэрлэг байгуулах, урлан бүтээхэд сайн

ХАВРЫН ТЭРГҮҮН ЦАГААН БАР САРЫН НАЙМАН ЦАГААН МЭНГЭТЭЙ ЦАГААГЧИН БИЧ ӨДӨР

• Аргын тооллын: 2021.03.13, Бямба
• Билгийн тооллын: 30, Санчир
• Наран ургах, шингэх: 07.09-18.54
• Үс засуулвал: Эрлэг лугаа учирна
• Барилдлага: Түлэх
• Шүтэн барилдлага: Төрөхүй
• Суудал: Гал

Тухайн өдөр луу жилтнээ аливаа үйлийг хийхэд эерэг сайн ба гахай хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмт хэрэг илрүүлэх, гэм буруутныг шийтгэх, сан тавиулах, угаал үйлдэх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу.

Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулахад тохиромжгүй.