ДОРНЫН ЗУРХАЙ: Үс засуулахад тохиромжгүй

ЗУНЫ ТЭРГҮҮН ХАРАГЧИН МОГОЙ САРЫН НЭГ ЦАГААН МЭНГЭТЭЙ ШАР ХУЛГАНА ӨДӨР

• Аргын тооллын: 2021.06.09. Лхагва гараг
• Билгийн тооллын: 29, Буд гараг
• Үс засуулвал: Сүлд тэнэж одно
• Наран ургах, шингэх: 04.53-20.49
• Барилдлага: Идэр   
• Шүтэн барилдлага: Хуран үйлдэхүй   
• Суудал: Гал

Тухайн өдөр луу, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, хүүхэд үрчлэн авах, урлан бүтээхэд сайн. Улааны үйл, төлгө тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулахад тохиромжгүй.