ДОРНЫН ЗУРХАЙ: Энэ өдөр хулгана, бич жилтнээ аливаа үйлийг хийхэд эерэг сайн

ЗУНЫ ДУНД ХӨХ МОРЬ САРЫН ЕСӨН УЛААН МЭНГЭТЭЙ УЛААН ЛУУ ӨДӨР

• Аргын тооллын: 2021.07.07, Лхагва
• Билгийн тооллын: 28, Чөлөөт эх одтой, улаан луу өдөр
• Үс засуулвал: Хэрүүл тэмцэл ирнэ
• Наран ургах, шингэх: 05.01-20.53
• Барилдлага: Идэр  
• Шүтэн барилдлага: Нэр өнгө   
• Суудал: Ус

Тухайн өдөр хулгана, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлах, хур оруулах, дархны үйлд сайн.

Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Бага халуун буух улирал (5 цаг 30 мин)-д эхэлнэ. Усны хор буух 7 хоног эхэлнэ. Үс шинээр үргээлгэх буюу засуулахад тохиромжгүй.