ДОРНЫН ЗУРХАЙ: Хол газар яваар одогсод баруун зүгт мөрөө гаргавал зохистой

ЗУНЫ АДАГ ХӨХӨГЧИН ХОНЬ САРЫН ДӨРВӨН НОГООН МЭНГЭТЭЙ ЦАГААГЧИН ТАХИА ӨДӨР

• Аргын тооллын: 2021.07.12, Даваа гараг
• Билгийн тооллын: 2, Үнэг одтой, цагаагчин тахиа өдөр
• Үс засуулвал: Хэл, ам, хэрүүл тэмцэл ирнэ
• Наран ургах, шингэх: 05.06-20.50
• Барилдлага: Рашаан
• Шүтэн барилдлага: Авахуй  
• Суудал: Шороо

Тухайн өдөр үхэр, могой жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, лусыг тахих, хагалгаа хийлгэх, буг дарах, газрын ам бооход сайн. Мод суулгах, нарийн зөвлөгөөн хийх, сэтгэлд сэвтэй газар очих, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.