СХД I Үерт өртөх эрсдэлтэй хороодын далан, суваг байгуулна

З.Тэмлүүн | Zindaa.mn
2021 оны 07 сарын 21

Сонгинохайрхан дүүргийн үерт өртөх эрсдэл бүхий булаг, хөрсний усны халиа үүсдэг хэд, хэдэн хороодыг дамнасан 44,69 км үерийн далан, суваг, шуудуу барих хөрөнгө оруулалтын тооцоог Нийслэлийн хот байгуулалт, хөгжлийн газар хийж дуусаад байна.

Тус үерийн далан, суваг шуудууг хийх ажлыг дүүргийн Засаг дарга Н.Алтаншагай санаачлан Нийслэлийн хот байгуулалт, хөгжлийн газартай хамтран хийж хэрэгжүүлж эхэлсэн билээ.

Хөрөнгө оруулалтын төслийг үндэслэн хороодыг дамнасан транс байгуулах хөрөнгийг 2022 оны Улс, Нийслэлийн төсөвт суулгуулахаар ажиллаж байна. Энэхүү 44,69 км үерийн даланг байгуулснаар Сонгинохайрхан дүүргийн Зүүн, Баруун салаа, Толгойт, Тахилт, Баянголын ам орчмын гэр хорооллын айл өрхүүд булаг, хөрс, үерийн усанд өртөх эрсдэлээс бүрэн ангижрах боломжтой юм.

Мөн Хөгжлийн ерөнхий төлөвлөгөөний дагуу 4 байршилд усан толио, 1 байршилд усан цөөрөм байгуулж ойжуулах талбайг хамгаалалтын зурвасын дагуу байхаар төлөвлөөд байна.
 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
уншигч (139.5.218.164)  2021 оны 07 сарын 22

УБ хотоос хойшоо урагшаа ой мод булаг шандтай ногоон бүс рүү суурьшлын бүс үүсгээд дэмий дээ. Хотыг зүүн, баруун чиглэлд сунгаж засмал зам дагуу дэд бүтэц татаад, алсдаа метро хийхээр шинэ хороолол, хотуудыг бариад эхэлвэл гэр хорооллын айлууд нүүлгээд орчихно доо. Далан бариад ч үерт урсах нь ойлгомжтой....

2  |  0
Top