Их, дээд сургуулиуд өнөөдрөөс элсэлтээ авч эхэллээ

Орон даяар явагдсан 2021 оны элсэлтийн ерөнхий шалгалт өчигдөр /2021.08.22/ өндөрлөлөө. Харин өнөөдрөөс /2021.08.23/ их, дээд сургуулиудын элсэлт эхэлж байна. 

Энэ талаар Боловсролын үнэлгээний төвийн дарга Л.Ганбат "Элсэлтийн ерөнхий шалгалт орон даяар амжилттай болж өнгөрлөө. Нийт 82 шалгалтын байранд 40.420 шалгуулагчийг хуваарилан зохион байгууллаа. Одоо их, дээд сургуулийн элсэлт эхэлж байна. Цар тахлын энэ цаг үед халдвараас хамгаалах, урьдчилан сэргийлэх зорилгоор тодорхой дэглэмүүдийн дор явагдсанаараа онцлог байлаа. Өмнөх онтой харьцуулахад ирцийн хувь ойролцоо байна. Бүртгүүлсэн ч шалгалтдаа очоогүй хүмүүсийн дийлэнх нь өмнөх оны төгсөгчид байна" гэх мэдээлийг өгөв.