"Алдарт" МҮИС ТББ-ын статус ашиглаж татвараас зугтаадаг уу?
Монголын үндэсний их сургуулийг Монгол Улсын их сургуультай андуурч элсдэг тохиолдол нэлээд гарч байгаа талаар Боловсрол шинжлэх ухааны сайд Л.Энх-Амгалан өнөөдөр /2021.08.26/ мэдээлэлдээ дурдсан.
Тэрбээр "Монголын үндэсний их сургууль гэдэг нэрээр элсэлт авч байгаа нь луйвар. Бид энэ нэрийг буцааж авна. МҮИС гээд товчлохоор хөдөө орон нутгийн оюутнууд Монгол Улсын их сургуульд ороод байна уу, Монголын үндэсний их сургуульд ороод байна уу гэдгээ ялгахгүй төөрөгдөл үүсч байгаа юм. Иймд бид "Монголын үндэсний" гэдэг нэрээ буцааж авна.
Одоо их дээд сургуулийн асуудлыг зохицуулах хуулийн төсөл боловсруулж байгаа. Энэ хуулийн төсөлд хувийн их, дээд сургууль "Монголын үндэсний" гэдэг нэршил авахыг хориглосон заалт оруулна" гэж мэдэгдсэн.
Тэгвэл Монголын үндэсний их сургууль нь нийгэмд үйлчлэх төрийн бус байгууллага гэсэн статустай үйл ажиллагаагаа явуулдаг байна. Тус сургууль нь 1998 онд байгуулагдсан цагаасаа хойш одоог хүртэл тасралтгүй үйл ажиллагаа явуулж байгаа бөгөөд өнөөдрийн байдлаар 10 салбар сургууль 80 гаруй мэргэжлээр 11000 оюутан, 500 гаруй багш, ажилтантай.
Маш олон оюутан элсүүлж, сургалт явуулдаг атал төрийн бус байгууллагын статустай байгаа нь татвараас зугтах гэсэн оролдлого ч байж мэдэх юм. Харин ижил түвшинд буюу их сургууль гэсэн статустай үйл ажиллагаа явуулж байгаа Отгонтэнгэр, Их засаг зэрэг их сургууль хариуцлагатай хувьцаат компани гэсэн статустай үйл ажиллагаагаа явуулдаг аж.
Тус сургуулийг тойрсон балаг дуусахгүй. Тухайлбал, бэлтгэл офицерын үнэмлэхтэй төгсгөнө хэмээн элсэлт авч байсан удаа бий. Хүчний байгууллагад ажиллах хамгийн эхний шалгалт нь офицерын үнэмлэх байдаг. Гэтэл энэхүү цэргийн зэрэг цолыг Монголын үндэсний их сургууль хэмээх дээд боловсрол олгох хувийн хэвшил оюутнууддаа амлаж байв. Үүнээс гадна өнгөрсөн 2015 онд тус сургууль Эх хүүхдийн эрүүл мэндийн үндэсний төвийн газарт өргөтгөлийн барилга барихаар оролдож, эмч сувилагч нар нь газраа өгөхгүй хэмээн гадаа хонож байсан удаатай юм.
Ийм энгийн жишээнээс л Монголын үндэсний их сургууль нэршил, санхүү эдийн засгийн бүхий л талаараа асуудалтай аж.
Холбоотой мэдээ
Сэтгэгдэл ( 8 )
Нилээн том хүмүүсийн халхавчинд явдаг бх.
Онгоцны нисэгч бэлдэнэ гэдэг нь бүр аймшигтай.
Энэ хогийн сургуулийг татан буулгаачээ.
Bi ene surguulid 3 jil bagshilsan namaig bagshilj bxad tsalingaa deer uyeniinx shig kassand ochirloj avdag bsan bi exni jil tsalingaasai niigmiin daatgal tolooguie amraltiin mongo gej unxeer gomdmoor yum avj bsan tged bid naraas tengeriin shaardlaga taviuldag
онгоцны нисгэгчийн ангид нь орох санаатай бсан юмсан. Аз таарвал шүдний эмчийн давхар мэргэжилтэй болох блаа
Маш их андуурдаг муис тэй
Жинхэнэ хулхидаж мөнгө угаадаг газар байсаар л байх уу. Бүрмөсөн хаахгүй бол луйвар зогсохгүй
balai novshuudiig surguuliig ni tatan buulgah heregtei