ДОРНЫН ЗУРХАЙ: Үс засуулбал эрч, хүч нэмнэ

ӨВЛИЙН ДУНД ЦАГААН ХУЛГАНА САРЫН ГУРВАН ХӨХ МЭНГЭТЭй ХӨХӨГЧИН ХОНЬ ӨДӨР

• Аргын тооллын: 2021.12.13, Даваа гараг
• Билгийн тооллын: 10
• Үс засуулвал: Эрч хүч ихэснэ.
• Наран ургах, шингэх: 08.33-16.59
• Барилдлага: Рашаан   
• Шүтэн барилдлага: Хурьцахуй   
• Суудал: Огторгуй

Энэ өдөр гахай, туулай жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, лус тахих, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Цөөрөм байгуулах, сахил санваар авах, хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал эрч, хүч нэмнэ.