ДОРНЫН ЗУРХАЙ: Энэ өдөр нохой, хонь жилтнээ аливаа үйлийг хийхэд эерэг сайн

ХАВРЫН ТЭРГҮҮН ХАР БАР САРЫН ДОЛООН УЛААН МЭНГЭТЭЙ ХАР ХУЛГАНА ӨДӨР

• Аргын тооллын: 2022.2.28, Даваа гараг
• Билгийн тооллын: 28
• Наран ургах шингэх: 07.35-18.34
• Үс засуулбал: Хэрүүл тэмцэл ирнэ
• Барилдлага: Идэр
• Шүтэн барилдлага: Тийн мэдэхүй

Энэ өдөр нохой, хонь жилтнээ аливаа үйлийг хийхэд эерэг сайн. Өдрийн сайн цаг нь хулгана, үхэр, туулай, морь, бич, тахиа болой. Эл өдөр баяр баясгалангийн хурим үйлдэх, шинэ гэр барих, хувцас өмсөх, чимэг зүүх, бүжиг наадам үүсгэхэд сайн, эм засал хийлгэх, авшиг авах, бэрийн үйл, дайсныг дарахад болон хуран чуулах, үс угаахад сайн. Зүүн нүд татвал хувцас олдох, баруун нүд татвал тэмцэл болох, баруун чих хангинавал сайн, зүүн нь хангинавал өчүүхэн нэгнийг үзэх, тагнай загатнах, бие татвал үзэсгэлэн болох, хөлийн шөрмөс татвал үг, асуулт болно. Хол газар яваар одогсод зүүн урагш мөрөө гаргавал зохистой.