ДОРНЫН ЗУРХАЙ: Хол газар яваар одогсод хойд зүгт мөрөө гаргавал зохистой

ЗУНЫ ДУНД УЛААН МОРЬ САРЫН ЗУРГААН ЦАГААН МЭНГЭТЭЙ ШАР ЛУУ ӨДӨР

• Аргын тооллын: 2022.07.14, Пүрэв гараг
• Билгийн тооллын: 16
• Үс засуулвал: Өвчин ирнэ
• Наран ургах, шингэх: 05.08-20.49
• Барилдлага: Үл тохирох
• Шүтэн барилдлага: Хүрэлцэхүй
• Суудал: Гал

Энэ өдөр хулгана, бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, угаал үйлдэх, бороо хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойд зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.