О.Чулуунбат чонын тал уу, манай тал уу

Парламентын тогоон дотор чимээгүй байж байгаад жинтэйхэн үг хэлчихдэг хүн бол яах аргагүй Монгол банкны ерөнхийлөгч асан О.Чулуунбат. Хэн нэгэнд тал засаж, хэт намчирхдаггүйгээрээ бусдаасаа ялгардаг гэж хэлж болно. Шулуун шударга зан нь заримдаа түүнийг эвгүй байдалд оруулдаг тал бий. Ардын намынхныг ар өврөөс хатгаад суулгахгүй ядаж байхад “Намын дарга эзэмшдэг өмч хөрөнгөө ямар замаар олж авсанаа ард түмэндээ ил тод зарлах хэрэгтэй ” хэмээн ярилцлага өгч даарин дээр давс цацаж байсан удаатай. Үүнээс үүдэн намын нөхөд нь “Энэ Чулуунбат чонын тал уу манай тал уу” хэмээн халагласан гэдэг. Сонгуулийн пиар одооноос эхлэж байгааг ойлгож байгаа хэдий ч намын дарга руугаа бөмбөг шиддэг нь ямар учиртай юм бол доо.

Б.Эрдэнэ.

Zindaa.mn-Үндэсний чөлөөт мэдээллийн портал