Нууц товчоог танилцууллаа

Үндэсний их баяр наадмын ёслолын үйл ажиллагаа яг одоо Төв цэнгэлдэх хүрээлэнд үргэлжилж байна. Наадмын талбайд Есөн хөлт Их Цагаан сүлд залах ёслолын дараагаар  Монгол Улсын Ерөнхийлөгч Ц.Элбэгдорж ард түмэн, наадамчин олонд хандан үг хэлж албан ёсоор наадмын нээлт хийсэн.Төв цэнгэлдэх хүрээлэнд Үндэсний их баяр наадмын хөтөлбөр урлаг спортын тоглолт, Монгол цэргийн сүрт жагсаал үзүүлбэрийг наадамчин олонд толилуулсан.

Мөн “Харанга” хамтлагийн дуучин Х.Лхагваүрэн “Хар сарнай” хамтлагийн дуучин С.Амармандах, “Номин талст” хамтлагийн дуучин Т.Дэлгэрмөрөн нар шинэ цомогтоо дуулсан Нууц товчоо хэмээх дуугаа наадамчин олонд дуулж сонирхууллаа. Үүний дараагаар наадмын зүлэг ногон дэвжээнээ үндэсний бөхийн үе үеийн төлөөлөл болсон хүчит бөхчүүд, аваргууд гарч ирж төрийн далбаандаа мөргөж хүндэтгэл үзүүллээ. Үүний дараагаар хүчит бөхийн барилдааны нэгийн даваагаар наадам үргэлжилнэ.

Б.Алт

Zindaa.mn-Үндэсний чөлөөт мэдээллийн портал